السؤال فعل شجاع، بيفكّرنا دايمًا اننا لازلنا جهلة مهما عدّى علينا من عُمر أو عِلم أو خبرة.

محدش كبير أنه يسأل ويكون فضولي انه يعرف أكتر؛عشان فيه إجابات بعض الأسئلة ممكن تصنع أشياء عظيمة تغيّر العالم وتغيّر مسار الرحلة.

كام مرة جينا على نفسنا وصحتنا عشان نكون مثاليين في شغلنا، شكلنا، وزننا، علاقاتنا؟ كام فرصة فاتتنا عشان خوفنا منكونش مثاليين بالقدر الكافي؟

ساعات كتير بيكون القليل من التقصير، ميضُرش! عشان نقدر نكمل واحنا بني أدمين عاديين، مش محطوطين في قوالب مثالية متناسبناش.